وفاقی حکومت کا 9 مئی کے شہدا کو خراج عقیدت پیش کرنے کا فیصلہ


اسلام آباد : وفاقی حکومت کی جانب سے 9 مئی کے شہدا کوخراج عقیدت پیش کرنے کے لیے کل خصوصی تقریب کا اہتمام کیا جائے گا۔

تفصیلات کے مطابق وفاقی حکومت نے 9 مئی کے شہدا کو خراج عقیدت پیش کرنےکافیصلہ کرلیا ، ،ذرائع نے بتایا ہے کہ جناح کنونشن سینٹراسلام آبادمیں کل خصوصی تقریب کااہتمام کیاجائے گا،وزیراعظم شہباز شریف جناح کنونشن سینٹر میں تقریب میں شرکت کریں گے۔

تقریب میں آرمی چیف اور عسکری قیادت کی شرکت کابھی امکان ہے، وزیراعظم شہباز شریف تقریب میں شہداکو خراج عقیدت پیش کریں گے۔

ذرائع کا کہنا ہے کہ تقریب کا اہتمام وزیر اعظم شہباز شریف کی ہدایت پر کیا جارہا ہے، شہداء کی یاد میں بڑی تقریب میں شہداءکے اہلخانہ بھی شرکت کریں گے۔

پاک فوج، پولیس، سیکیورٹی اداروں اور دہشت گردی کا مقابلہ کرنے والے شہداء کے اہلخانہ شرکت کریں گے جبکہ وفاقی کابینہ اور ارکان پارلیمنٹ بھی شریک ہوں گے۔

ذرائع کے مطابق بے حرمتی ہونےنہیں دینااب دوبارہ نہیں کےعنوان سے تقریب کا انعقاد ہوگا، تقریب میں سفارت کاروں کو بھی شرکت کی دعوت دی گئی ہے۔

نو مئی کو وفاقی کابینہ کا خصوصی اجلاس بھی ہوگا، کابینہ نو مئی کے حوالے سے حکومتی پالیسی کی منظوری دے گی۔

ذرائع نے بتایا کہ وزیراعظم وفاقی کابینہ کےفورم سے نو مئی واقعہ پر خصوصی پیغام دیں گے جبکہ وفاقی کابینہ اجلاس میں9مئی واقعہ کی مذمت کی جائے گی۔

وفاقی کابینہ اجلاس میں نو مئی کو سیاہ دن قرار دیا جائے گا اور نو مئی کوپارلیمنٹ کی بالادستی ،جمہوری رویوں کے فروغ پر زور دیا جائے گا۔

Comments



Leave a Comment

Your email address will not be published. Required fields are marked *

Scroll to Top